Description

Feyza Adabeyî cenîya tewr verêna ke bi kirmanckî kitab nuşto. Feyza estanekê ke mintiqa Sêwrege ra dayê are nê kitabî de ardê pêser. Kitab pêro pîya 44 estanêkanê na mintiqa ra yeno pê. Nê estanikan ra tayê mintiqayanê bînan de zî yenê vatene, tayî zî tena na mintiqa de yenê vatene. Nê estanikan ra çend teneyî hîna sewbîna mintiqayan de sey yew mîtî yenê qebulkerdene. No het ra saba cigêrayîşan û etûtan kitab yew çimeyo muhîm o. Seba ke estanikî şîveya na mintiqa de amayê vatene û qet mudahaleyê ci nêbîyo seba xebatê ziwanî zî şîno bibo çimeyêk.