Description
WENDOXAN RÊ
Wendoxê delalî, Seke şima vînenê, na hûmare hetê rîpelan ra hûmara ma ya tewr gird
a. Demêk ra ver Derheqê Kirmanckî (Zazakî) de Kombîyayîşê Hîrêsine (13.) bi. Nê kombîyayîşî de zî bi seyan çeku (kelîme) û terman ser o munaqeşeyî bîy û pêşnîyazî (teklîfî) tesbît bîy. Na hûmare de netîceyê nê kombîyayîşî estê. Hêvîya ma a ya ke ewro ra pey nuştişê kurmanckî de nê pêşnîyazî şima rê ardim bikîn. Eşkara ya ke ziwanê nuştekî (yazı dili) de, qaydeyê rastnuştişî û formê standard ê çekuyanê ma çend vêşî (zîyade) bibîy, ziwano standard hende weş cayê xo gêno. Kesê ke nusenî ganî naye xo vîr a nêkî!
Na hûmare de nuşte û roportajê balkêşî (enteresanî) estê. Mintiqayanê cîya-cîyayanê welatî ra û hepisxaneyan ra wendox û nuştoxê ma bi nuşteyanê xo Vateyî hîna pêt (zengîn) kenê.
Sey nuştoxan, nas û dostê ke piştî danê Vateyî û Vateyî rê wayîr vejîyênê zî roj bi roj vêşî benê. Mavajî karê teknîkî û komputurî de ardimê Selahattîn Fazliyî ma rê bi. Ma ey rê û ardimkerdoxanê bînan rê zaf sipas kenê.
Heta hûmara ameyoxe weşî û şayî de bimanîn.
Vate
