Açıklama
WENDOXAN RÊ
Wendoxê ma yê delalî,
Demêkê dergî dima ma pîya yê.
No mabên de embazanê mayê Grûba Xebate ya Vateyî ra Wisif Hêlinijî dinyaya xo bedilnaye. Ma wefatê nê embazê erjayeyî de zaf-zaf dejayî. Wa ruhê ey şa bo. Şima na hûmare de, derheqê ey û wefatê ey de çend nuşteyan wanenî. Nuşteyê Wisifî yo peyên zî na hûmare de yo.
Na hûmara ma de gelek nuşteyê balkêşî estê. Sey netîceyanê Kombîyayîşê şîyêsine yê Kirmanckî, roportajanê ke Îshaq Tepe û Mikaîl Aslanî reyra bîyê, meqale, şîîr û arêkerdeyanê folklorîkan.
Hêvîya ma a ya ke şima wendişê nînan ra tehm bigîrî.
Weş biwanîn, weşîye de biwanîn.
Vate
