Description
WENDOXAN RÊ
Wendoxê hêcayî,
Na hûmara Vateyî welat ra durî vejîyêna la nê rojan de hûmarê 7., 8., 9., 10., 11. û 12. ê Vateyî Tirkîya de newe ra neşr benê û wendoxanê welatî resenî.
Hûmara 14. de ma nuştbi ke ferhengê (sözlük) Grûba Xabate ya Vateyî yanî Ferhengê Tirkî-Kirmanckî (Zazakî) & Ferhengê Kirmanckî (Zazakî)-Tirkî Îstanbul de neşr bîyo. Welat de vilabîyayîşê Vateyî û nê ferhengî, wendiş û nuştişê kirmanckî ser o tesîrêko hol (baş) keno. Mektubî û nuşteyê wendoxanê ma yê ke welat ra nusenî zî naye nawnenê (musnenê). Nê mektuban û nuşteyan de merdim kirmanckîya hîna fesîhe waneno.
Kombîyayîşê Kirmanckî yê Newine aşma tebaxe de bi. Na hûmare de şima netîceyanê nê kombîyayîşî wanenî.
Sey nuşteyanê Roşan Lezgîn, W. K. Merdimîn, Xezala Şarikî û Jêhatî Zengelanî çend nuşteyê ke welat ra ameyê zî na hûmara ma xemilnenê.
Hêvîya ma a ya ke bi na hûmare şima kirmanckî ra hîna zaf tam bigîrê.
Weşîye de bimanê.
Vate
