Description
WENDOXAN RÊ
Wendoxê hêcayî,
Çend aşman ra pey ma reyna pîya yîme.
Nê çend aşman mîyan de hûmarê 19. û 20.ê ma Tirkîya de neşr bîy û hem Tirkîya hem zî welat de vila bîy.
Aşma êlule de Îstanbul-Taksîm de buroyê Vateyî abi. Hêvîya ma a ya ke ewro ra pey Tirkîya û welat de Vate hîna hol vila bibo.
Na hûmare de ma Mewlidê Mela Mehemedê Muradan neşr kenîme.
W. K. Merdimîn û N. Celalî, hem no mewlid transkrîbe kerdo hem zî bi roportojêk Mela Mehemed û xebata ey bi ma daya naskerdiş (şinasnayîş). Mehmet Uzunî zî Mela Huseyn Amedî dayo naskerdiş û şîîrêka ey transkribe kerda.
Na hûmare de şima nuşteyanê çend nuştoxanê neweyan zî wanenê. Hûmare ra hûmare hîna zaf nuşteyî ma rê welat ra yenê û ma şa kenê. Ma wazenîme ke şima zî bi wendişê Vateyî şa bibê.
Vate
