Description
WENDOXAN RÊ
Wendoxê ma yê erjayeyî,
Grûba Xebate ya Vateyî û Redaksîyonê Kovara Vateyî, sereyê aşma temmuze de Dîyarbekir de bîy. Ma uca hem “Derheqê Kirmanckî (Zazakî) de Kombîyayîşê Pancêsine” hem zî seba wendoxanê kovara Vateyî û şarî yew kombîyayîş viraşt. Welat de, bajarê sey Dîyarbekirî de viraştişê nê tewir kombîyayîşan rewna hesreta ma bî. Ma keyfweş î ke yewna hesreta ma bi ca amey.
Na hûmara ma de, derheqê nê her di kombîyayîşan de malumat esto.
Veşanxaneyê Vateyî, emser wisarî pancna kitabê kirmanckî neşr kerdî. Seba xizmetê înan, ma berpirsîyar û xebatkaranê nê weşanxaneyî pîroz kenî.
Na hûmara ma de nuşte û şîîrê çend wendoxan reya verêne neşr benê. Hêvîya ma a ya ke nuştoxê ma roj bi roj vêşî bibîn.
Ma na hûmare de zî nuşteyanê nuştoxanê hepsîyan xo vîr a nêkenî.
Boka (mela) şima nuşteyanê na hûmare ra zî tehm bigîrîn.
Biwanîn, şa bibîn, zerrîweş bibîn.
Vate
