Nevzat Gedik, Serra 1973î de dewa Gimgimî Reqasa de ameyo rîyê dinya. Domanîya xo ra nat Almanya der o. Tewr verî Teknîsyenîya Didanan teba Îqtîsat wend. Pey cu Unîversîteya Johann Wolfgang Goethe ê Frankfurtî de Sosyolojî, Ziwannasîyo Cerebkî/Emprîkî û Teverşanite û Huquq wend. Wendekarîyê ra dima, Vartoyî de serrêk tezê doxtora qedêna û serra 2008î de Unvanê Doktorê Zanistî bi dereceya rumetî girewte.

Serra 2017î de tezê profesorîye qedêna û Venia Legendi girewte (No destûr bi habilitation eno girewtene ke kes unîveresîteyan de dersanê zanistî bido). Çend Unîversîteyanê Almanya û Avusturya de dersan dano. Profesyonel Resman û heykelan virazeno. Ziwanî ser o karê zanistî û cigêrayîşan keno û bi kirmanckî şîîran nuseno.