Description

Elbeyî meşte peroj mi bene sare birnenê, ti kî mi de bê. Eke ez berda ke sare bibirnê, waxto ke celad ame mi bibirno, ti pîyê xo ra anya vaje. Vaje “bawo!” O vano “hey!” Ti vaje “mi honde xizmeta nê beygîrî kerde, mi honde qaytê ci kerd, ez qet ninîşta ci. Mi tawa nivazno no çik o; çi cins o, çi tawa wo.” O waxt pîyê to vano “ravazê zên û gem kerê wa layik meydanê bido ci.” O waxt dormê meydanî ebe eskerê alaye danê guretene ke wa ez to war o medî. Ti ke mi bîya aspar şo binê meydanî mi wede. Ti ke ama duştê pîyê xo vaje “Paşa xatir be to. Êndî ne ti pîyê min a ne kî ez êndî lajê tu ya.” Uşka qamçîye berze binê pîzê mi ra ke wa hîsir de çimanê mi ra vazdê. Ez to kî xelesnena ra xo kî xelesnena ra.