Ahmet Kırkan, Sêwregi ra yo û serra 1981î de ameyo dinya. Unîversîteya Dicle de beşê perwerdeyî qedînayo. Unîversîteya Mardin Artuklu de Enstîtuya Ziwananê Ganîyan de bi nameyê Mewlîdê Osman Esad Efendî Bîyîşa Pêxamberî –Metin û Wekenetiş– ya master; Unîversîteya Dicle de Enstîtuya Zanistanê Ciwakî de bi nameyê Hetê Fonetîkî ra Analîzkerdişê Zazakî; Muqayesekerdişê Mintiqayanê Vakur, Merkez û Başûrî ya doktoraya xo temam kerda. Nika Unîversîteya Mardin Artuklu Fakulteya Edebîyatî de Beşê Ziwan û Edebîyatê Kurdkî de sey mamosta xebetîyeno. Heta nika bi nameyê Bîyîşa Pêxamberî ya Osman Esad Efendî û Destpêka Edebîyatê Klasîk yê Kirmanckî kitabêk, gelek kîtaban de beşê kitabî, sempozyum û kongreyan de pêşkêşîye û kovaran de zaf meqaleyê ci ameyê weşanayene. Kirkan ziwannasî, gramerê zazakî û kurmanckî, ferhengnasî, zimannasîya muqayeseyine ser o xebitîyeno.