Description

Tarî, tungo tarî, zulmate… Roj û şewe tena a qula berî ya ke qasê qena pincirarî ya, aye ra zaneno. No çend o tîya yo? Na zulmate ra senî vejîyo? Çimanê xo senî bi roştîye bişuyo? Kilîtkerde mend sindoqe de, sey kefenê kalan û pîran sindoqe de kilîtkerde mend. Ber asin ra, qulape asin ra, zerbe asin ra, topa kilîtî, ziwanê kilîtî asin ra… Erd û asmên asin ra, darûber asin ra, koyî deştî asin ra, gul û vilikî asin ra, şaristan û dewî, merdim asin ra… Merdim asin ra, ruhê merdimî asin ra… Serê dinya de kewto gujike, erd ra asin qilayneno ra, asin heleneno, asin reno ra.. Tersê ey, seredejê ey asin ra…