Description

Kitab sey çimeyê ameyo hazir kerdene ke kesê ke wazena kirmanckî/zazakî bimuse wa cira istifade bikere. Kitap,dersê ke nuştoxî wext û cayanê cîya-cîyayan de dayê xo rê sey bingeh girewtê û no kitap nuşto. No hetî ra musnayoxê kirmanckî kî şîkînê ke cira istifade bikere.

Kitab de, qerarê ke Grûba Xebata ya Vateyî no des serrî yo kombîyayîşanê xo de gêna ameyê tetbîqkerdene. Aye ra kitab de şîveya yew mintiqa nîyama xebetnayene. Mîyanê şîveyan de yew sentez ameyo viraştene. Çixa ke nuştoxî dest ra ameyo varyantê çekuyanê bînî zî sey zengînîya kirmanckî xebetnayê.

Kitab vîst û di dersanê gramerî ra ameyo pêser. Her desrse ra tepya seba ke wendox musayişê xo newe kero beşê vezîfeyan ra pêy seba her derse qismê ferhengekî esto. Bi nê ferhengêkî wendox şîkîno ke çekuyanê neweyan bimuso. Her unîte ra pey seba ke wendox zanayîşê xo bicerebno azmunê bi xalînî estê.

Peyê kitabî de seba rastnuştişî yew beşade bîne  kî esta.