Description
WENDOXAN RÊ
Wendoxê hêcayî,
Ma reyna pîya yê. Na hûmare de şima nuşteyanê bînan reyra (reyde) meylanê Kombîyayîşê Hewtinê Kirmanckî (Zazakî) zî wanenê. Bi nê meylan, tayêna qaydeyê rastnuştişî (îmla), termê anatomî û nameyê heywanan tesbît bîyê. Ma bi her kombîyayîş û her hûmara Vateyî, raya (rayirê) standardîzekerdişê kirmanckî de tenêna (bineyna) mesafe gênê. Na hûmara ma zî girewtişê (guretişê) nê mesafeyî de ma aver (raver) bena.
Ma hêvî kenê ke nuştox û wendoxê ma tesbîtanê Kombîyayîşanê Kirmanckî ser o vindê (vinderê), nînan dîqqetî reyra (bi dîqqet) biwanê, munaqeşe bikê, fikranê xo ma rê binusê û nuştiş de nê tesbîtan tetbîq bikê. Eke şima wazenê kirmanckî aver şêro û standardîze bibo, naye peygoş (îhmal) mekênê. Hetanî serra 2000î kirmanckî standardîze nêbîya. Qey êdî (hinî) bes nîyo? Na perse xo ra zî bipersê û ma xo vîr a mekerê, ma rê binusê, çimkî ma şima xo vîr a nêkenê û şima rê nusenê.
Pabeyê (pawibê) hûmara diwêsine (des û didine) vindê û weşîye de bimanê.
Redaksîyon
