Heyatê xo de raya verên a ke nişena ra trene. Trena derga barîye kişta royê Renî ra sereyê xo sey marî tadayêne û rayan ser o xiz bîyêne, devacêr şîyêne. Koyê nat-dotê royî berz û kewe bî. Ge-ge serê koyan de, mîyanê geme de şatoyî bî. Sanikan û fîlman de ke çitur ê, eynî henî bî. …. Mi çi qehirî, çi derdî antî, çi mayînî teqay bînê linganê mi de, parçeyê mi hewa ra çerexîyay, varay bi mi ser, mi çi zulm dî destanê zebanîyan de, mi çi koyî, gerîsî peyê xo de ca verdayî, çend rey tîje koyan ra şîye û reyna nêvejîyaye, çend hevalanê mi verara mi de can da, maya mi merde, mi boya vilikan xo vîrî ra kerde, mi her çî xo vîrî ra kerd, mi tena boya dolbenda maya xo û ti xo vîrî ra nêkerda.