Description

Roza jîye reyna sono nêçîr. Ko ra fetelîno qayt beno ke eke jî maro şîyawo şitqirî eke jî mara belekine pêgureta. Eke nano ra dime çîkayîşê mara belekine şono hard şono asmên. No kî til-tilikanê xo cêno destê xo, nîşanê marê şîyay cêno. Maro şîya xo civirneno sono gûneno mara belekine ra. Sono gûneno mara belekine ra mara belekine xo xelesnena ra. Xora mara belekine çêna Şayê Maran a. Bena yaralî, goşarê xo kî beno vîndî, remena teknena ci sona.

Mahmudê Xale tekneno êno çê. Êno çê tabî cenîya dê ci rê çay ana, non ana. No a roze qe moralê xo ca de nîyo. Moralê xo ca de nîyo henî duşunmuş beno, henî uzulmîş beno cenike vana:

–Mahmud to her saate şîyêne nêçîr amêne to keyf kerdêne, to huyêne, to lex kerdêne. Ewro to rê se bîyo?