Description

Serra 1996 de çend kirmancê ke bi kirmanckî nusenê, bi nameyê Grûba Xebate ya Vateyî yew grûbe naye ro. Na grûbê 1996 ra heta 2006 çarês tene kombîyayîşî viraştî. Nê kombîyayîşan de seba rastnuştişê kirmanckî û standardîzekerdişê nuştişê kirmanckî qerarî amey girewtene. Çekuyê kirmanckî  yê ke ziwano rojane de zaf yenê gurenayene amey weçînitene û nê çekuyî goreye çend xusîsîyetan seba nuştişê kirmanckî amey weçînitene. Qerarê ke nê kombîyayîşan de bi no qede ameyê girewtene Kovara Vateyî de amey neşirkerdene. Peycû nê xebatî 2001 de sey ferhengî amey çap kerdene. 2004 de kî çapa nê ferhengî ya hîrakerdîye ameye çap kerdene. 

No ferheng de qismede çekuyanê kirmanckî yê ke ziwanê rojanê de zaf yenê xebetnayene estê. Ferheng de çekuyê ke heta ewro seba nuştişê kirmanckî ameyê standardîze kerdene estê.